حكاية سارة..
المحتويات
هحضرلك مفاجأة هتسعدك اوى ياحببتي
بعد الغداء محمد جاله تلفون اتكلم في البلكونه وخرج
ساره_ في حاجه يامحمد!
محمد بابتسامه_ ايوه انا خدت اجازه اسبوع عشان نقضى أحلي اسبوع ممكن تقضيه في حياتك
ساره وظهر علي وشها الدهشة اممم فين ياترى
محمد خلاص هلعب معاكى لعبه حلوه
ساره مبتسمه_ لعبه ايه يامحمد!!
محمد_ بصى لو عرفتى هنقضى الاسبوع فين هديكى بوسه كبيره اوى ولو ماعرفتيش هتدينى بوسه كبيره أوى
محمد ضاحكا_ لو ماقولتيش يبقي هتدينى بوسه واديكى بوسه الاتنين كشرط جزائى
ساره_ قول بقي بجد هنروح فين!! اه عرفت هنرجع مصر صح!!
محمد_ لا غلط وتعالي اتفضلي هاتيلي بوسه حالا
ساره_ لا
محمد_ عشان تعرفي ان انا طيب هتنازل واجى انا
وقرب منها وباس جبينها وخدها وبرقه حط شفايفه علي شفايفه وحس لاول مره ان ساره مش خاېفه وقلقانه زى كل مره
كلامه كان بيهز كيان ساره من جوه بس ماردتش
محمد_ ساره انتى لسه حاسه اني غريب عنك!
هزت راسها_ لا
_ بتحبينى ياسارة!!
ساره وشها احمر
محمد_ انا عاهدت نفسي عمرى ما هقرب منك غير لما احس بحبك ليا نفسي اسمعها منك ياساره
ساره حاولت تغير الموضوع_ انت مقولتش برده هنسافر فين!
هنروح انا وانتى نعمل عمره الاسبوع الجاى وقلت تبقي احلي حاجه نبدأ بيها حياتنا
ساره بحماس_ بجد يامحمد مش مصدقه يااااه ماتتخيلش قد ايه كنت بحلم اعمل عمره
وبدأت الدموع تجرى من عيونها_ مش مصدقه نفسى
ورمت نفسها حضڼ محمد وهو بيمسح بايده علي شعرها
ساره_ ربنا ما يحرمني منك يا محمد
مسح محمد دموعها بايده واتفاجأ محمد بساره باست خده.. يااااه كان حاسس بفرحه لانه حس انها بدأت تحبه..سافر محمد وساره وقضوا فعلا أجمل أيام حياتهم وحسوا بمتعه وسکينه أول مره يحسوا بيها وكل واحد دعى ان ربنا يقدره يسعد التانى ويعوضهم بسعاده تنسيهم كل حاجه مروا بيها.. ساره مبقتش قادره تخبي حبها عن محمد أكتر من كده وحست إن اعترافه ليها بحبه أكتر من مره رضى غرورها وكبرياء ها اللي محمد اهانهم في أول يوم في جوازهم
محمد_ مالك ياساره عايزه حاجه ياحببتي اجبهالك!
ساره _ لا ابدا هعوز ايه بعد اللي جبته دا كله بجد يامحمد مش عارفه أقولك ايه علي كل اللي بتعمله عشانى! ده كتير قوى
محمد_ اى حاجه في الدنيا ماتسواش احساسى وانا واخدك في حضنى كل يوم قبل ماانام انا اتولدت من جديد حياتى كلها اتغيرت بسببكومسك ايدها وحطها على شفايفه
ساره_ ويخليك ليا يا محمد
واخيرا وصلوا البيت بعد غياب اسبوع اتفاجأت ساره لقت بالونات متعلقه في السقف واسمها واسمه مكتوبين ع الحيطه بشكل جميل وتورته
ساره مش مصدقه عنيها_ ايه ده يامحمد!!
محمد_ ده فرحنا
ساره_ فرحنا ازاى يعنى
محمد_ انا مش قلت لك العمره هتبقي اجمل حاجه نبدأ بيها حياتنا
محمد_ اخيرا قولتيها وانا كمان بحبك اوي يا ساره ربنا يقدرنى وأسعدك
دخلت ساره لقت فستان ابيض تحفه علي السرير وجنبه بدله رجالي
ساره_ ايه ده فستان وبدله احنا هنعيده تانى
محمد_ لا احنا بنبدأ لسه انسى اللي فات وابدأى معايا من النهارده بدايه جديده .. بذمتك محمد وساره النهارده زى محمد وساره من شهرين
ساره بمرح_ ماتفكرنيش هههههه
لبست ساره الفستان كانت زى حوريه جميله اول ما محمد ماشافها وقف وفضل يبصلها بحب وابتسامته ماليه وشه وهى مبتسمه وحاسه بسعاده وفرحه ماليه قلبها
محمد_ قمر انا متجوز قمر
ساره_ انت اللي زى القمر في البدله انا مكنتش شيفاك امور كده أول مااتجوزنا
محمد بمرح_ وده ممكن يرجع لسببين اما انا احلويت لما قعدت معاك ياجميل او السبب التانى انك حبتينى ومرايه الحب عاميه كما تقول الأسطورة
ضحكت ساره _ وتفتكر انهى سبب صح!!
محمد مبتسم_ مش عارف بقي انتى اللي تقولي
ساره_ مش عارفه بس اللي اعرفه انى بحبك وبس
محمد_ ودى كفايه عندى عشان ابقي إنسان على وجه الارض يلا بقي يا ساره
ساره_ يلا ايه!!
محمد_ في عروسه برده يوم فرحها تسأل عريسها يلا ايه
ساره اتكسفت
محمد_ لا مش يومه خالص انتى بقالك شهرين مكسوفه النهارده اجازه انتى مش بتحبى الحكايات!
ساره_ اه بحبها اوي
محمد_ خلاص تعالي معايا جوه في أوضه النوم وانا هحكيلك حكايه حلوه اوى
ساره_ حكايه ايه!
محمد_ حكايه الزواج السعيد
دخلوا سوا الاوضه
ساره_ اتفضل احكى الحكايه
محمد_ لا دى هنمثلها مش هنحكيها
وقرب منها ومسح بايده علي شعرها وخدها في حضنه وهى حاسه بطمأنينه مش عاديه معدتش حاسه انه غريب عنها بقت حاسه انه حضنه هو أأمن مكان لها في الوجود وهو مكان راحتها في كل وقت ومع اى احساس بتحسه سواء فرحه خوف قلق حزن ديما أول مكان تتطمن فيه هو حضنه
وبدأت حياتهم كزوج وزوجه كحبيب وحبيبه ربنا جمعهم سوا عشان يكملوا بعض ..محمد كان حاسس يومها انه ملك الدنيا باللي
متابعة القراءة
