قصه راي جدتي في خطيبي
المحتويات
لاجل زوجي ..رغم اني مستاءة منه جدا بسبب اسلوبه وطريقته التي حادثني بها الا انني احاول دائما ان اتخطى ذلك بسبب غربته بعيدا عنا وكثرة متاعبه بها وحيدا فلن اكون انا ايضا سببا لمتاعب لا داعي لها ...
في صباح اليوم التالى قمت بتوصيل اسراء وخديجة ثم ذهبت مع سعد الى الروضة لكي اتحدث مع تلك المعلمة ..
ازيك يا ميس آية
انا ام سعد
اهلا بحضرتك
بصراحة انا جاية النهاردة مخصوص لحضرتك
ليه بس قالتها وهي تأكل علكتها بدون مبالاة وتنظر في الاتجاه المجاور
يعني ذنبه ايه ابني تقوليله مش هديك شيكولاته عشان انت تخين وتتريقي عليه وسط زمايله
بهزر معاه عادي يعني
بس انا ابني مريض غدة وتخنه ده ڠصب عنه يعني...
تركتني وذهبت بكل عجرفة وكأن شيئا لم يكن اصابتني عصبية عارمة واتجهت فورا الى مديرة الروضة وسردت اليها كل ماقد حصل اعتذرت لي بشدة واستدعت المعلمة على الفور وطلبت منها الاعتذار لي في البداية تذمرت آيه ولم تستجب وهي تبرر انه ماكان الا مزاحا ...
بس نفسية الاطفال ماتتحملش كدة يا ميس
حاضر يااستاذة ابتسام
اعتذري و...
لا يااستاذة ابتسام انا مش عايزة اعتذار ولا حاجة بس ياريت الموقف مايتكررش وبس كدة
اكيد يامدام ثريا حقك علينا كلنا
طيب استأذن انا سلام عليكم ...
عاودت الاتصال بياسمين ..
الو يا ياسمين
ايه يابنتي فينك قاعدة اخبط مش بتفتحي
انا بره جاية اهو
طيب هاتي معاكي كرواسون بقى زمانه لسة طازة دلوقتي في المخبز
هههه حاضر على طول دماغك في الاكل
ياستي اهو بطلع غلي فيه بدل مااموت الراجل
قشطة يلا ..
اشتريت بعض المخبوزات وعدت الى شقة ياسمين كان من الغريب جدا حين مررت امام شقة الاستاذ احمد رحمه الله كان الهدوء تاما جدا كأنما لا يوجد احد بالداخل .. ربما الجميع يغطون في نوم عميق بعد ليلة البارحة ..دخلت الى ياسمين وتناولنا الافطار سوية ..
ثريا انا مانمتش من امبارح على فكرة
نعم ياختي ..جوزي رايح يقابل عروسته بكرة شفتي السكر اللي انا فيه
هههههه ېخرب عقلك يا ياسمين ضحكتيني والله طيب يابت هو متغير معاكي ولا
بالعكس كويس جدا بس انا مش طايقاه ده انا بالليل وهو نايم كان هاين عليا اخبطه اجيب اجله
هههههه ياساتر عليكي
انتي لو حاسة احساسي مش هتقولي كدة ..المهم ماقولتليش بردو هنعمل ايه!
بصي ياستي .. انا لما اطلع هكلم اسماء اخد عنوانها واعرف جوزك رايح امتى
وتكوني انتي هناك بس ماتعمليش اي حاجة عشان الحق يبقى معاكي
ازاي يعني
يعني هتكوني
هناك قبله مع اسماء جوه ولما هو يروح ويدخل تدخلي عليه وتبصيله كدا وتسيبيه وتمشي طبعا هو هييجي يجري وراكي وساعتها هتروحي على مامتك وتتقلي بقى وتذلي فيه شوية وبعدين تملي شروطك عشان ترجعيله
ايه الفيلم الهندي ده ياثريا ده انا لو رحت ولقيته هناك هلم عليه الدنيا
يابت اعقلي وماتضيعيش حقك
طيب طيب ربنا يستر
بعد انا أمضيت وقتا لطيفا مع ياسمين عدت لشقتي لتجهيز الغداء والى الآن لم يتصل بي احمد !! كنت اطمئن عليه من خلال اخر ظهور له على مواقع التواصل الاجتماعي دون ان
احادثه .. حين عادوا دخلت اسراء وهي تترنح مبتهجة ...
طلعت الاولى في امتحانات الشهر ياماما
برافو عليكي .. سعد ياحبيبي عامل ايه النهاردة لاحظت ان خديجة تضايقت والتمعت عيناها تكاد تبكي ودوجا حبيبة ماما احلى بنوتة عملت ايه النهاردة
بدأوا بسرد يومهم وهم يتسابقن بينهم من ادى أفضل اداء وانا احاول ان اصغي الى كل منهم حتى لا يتحسس الآخر من شيء فدائما خديجة تشعر اني أفضل أخواتها عنها لكن ليس هكذا أبدا إنما لان اسراء دائما تساعدني وهي الكبرى ولدينا احاديث كثيرة وسعد احاول دائما تعويضه بسبب مرضه ونفسيته المستاءة بسبب عدم اللعب مثل قرناء سنه واهتم أيضا بخديجة لكن هي حساسة للغاية ... ساعدوني في وضع السفرة وتناولنا غداءنا ومن ثم رفعت الطعام وبدأت بغسيل الأواني حين عدت كانت اسراء تتحدث في هاتفي ..
اسراء بتكلمي
متابعة القراءة
