رواية سرقت زوجي ولكن شيقة جدا كاملة بقلم الكاتبة إسراء إبراهيم

وانا قولتلك لا يا فيروز والموضوع انتهي 

فيروز بصتله بغضب وسابته وخرجت علي برة ولاحظتها ليلي اللي سألتها باستغراب:

في ايه،، مالك مكشرة ليه كدة وانتي خارجة من عند احمد،، هو قالك لا ولا ايه ؟

نفخت فيروز پضېق وهي بتقعد عالانتريه باهمال وبترد بغيظ:

ايوة،،رفض وحتي من غير ما يتكلم معايا ويناقشني في حاجة،، اوووف 

ابتسمت ليلي وردت بخبث وهي بتغمز لفيروز:

طيب واللي يخليه يوافق،، بصي سيبيه عليا 

فيروز ابتسمت بسخرية وردت بثقة علي ليلي وهي بترجع بضهرها لورا:

بقولك رافض،، احمد لما بيتعصب وبيقرر حاجة،، مش بيرجع فيها 

قامت ليلي بثقة وردت علي فيروز وهي بتقولها بابتسامة:

يا ستي خليني اجرب مش خسرانين حاجة 

شاورت فيروز پضېق لليلي من غير ما ترد وسابتها ليلي ودخلت لاحمد مكتبه بعد ما خ*بطت واول ما شافها هو ابتسم وهو بيقوم وقالها:

خير يا ليلي،، في حاجة ؟

ابتسمت ليلي وردت بابتسامة وهي بتبص لاحمد بخجل:

كنت جاية اعرف انا ليا عندك خاطر ولا لا لما اطلب منك اننا نخرج انا وفيروز عشان نشتري هدوم لمليكة عشان هدومها صغرت عليها خالص 

ابتسم احمد ورد بموافقة عكس ما كان من شوية وقالها:

طبعا ليكي خاطر وقوي كمان،، روحو بس متتأخروش،، هي لو كانت فيروز قالتلي انكم هتخرجو عشان هدوم مليكة صغرت،،كنت وافقت علطول 

ابتسمت ليلي بخبث وردت ببراءة مصطنعة وهي بتقوله بحماس:

بجد ميرسي اوي ليك يا احمد عشان وافقت،، كدة انا اتأكدت ان بقي ليا خاطر عندك 

احمد كان باصص في عيون ليلي بتركيز وقالها بهدوء:

خاطرك غالي عندي فعلا يا ليلي،، واهو عالاقل اردلك المجاملة اللطيفة اللي عملتيها من شوية لما سألتيني انا مشغول بايه وعرفتي جوايا ايه من غير ما ابين 

ابتسمت ليلي وردت بقصد وهي بتبص لاحمد:

ولا يهمك،، اصلا انت متعرفش انت غالي اوي عندي قد ايه يا احمد،، انا احيانا بحسد فيروز انها معاها راجل زيك،، وعارفة ومتأكدة اني مهما لفيت عمري ما هلاقي راجل حنين وچنتل زيك كدة 

قالت ليلي اللي قالته وسابت احمد سرحان فيها وخرجت،، مشيت بعد ما قلبت كيانه وخليته متأكد ان محدش عارف قيمته زيها وانها الوحيدة اللي شايفاه ميتعوضش،، وبتصرفاتها خلت تفكيره كله فيها 

.......................بقلمي اسراء ابراهيم 

ابتسمت فيروز بسخرية وهي شايفة ليلي جاية عليها وقالتلها:

طبعا رفض،، مش بقولك يا بنتي،، انا عارفة احمد بجد عندي وصعب اوي 

ضحكت ليلي بثقة وهي بتقعد قدام فيروز وقالتلها وهي بتحط رجل علي رجل:

يلا قومي البسي يا قلبي،، احمد وافق 

lټصډمټ فيروز وبصت لليلي باستغراب وهي مش مصدقة ان احمد جوزها اللي عارفاه كويس يوافق بعد ما كان رافض خالص وقالت فيروز بتهتهة:

بجد وافق ؟

حركت ليلي راسها بايجابية وردت وهي بتبص لفيروز بغرور:

طبعا يا بنتي،، هو انا اي حد،، يلا بقي يا فيروز هنتأخر 

قامت فيروز بهدوء من غير ما ترد وهي مش مصدقة ان احمد وافق وكانت من جواها زعلانه انه وافق لما ليلي كلمته وموافقش قپلھl لما هي كانت معاه 

............................