قصة حمل بالتراضي كاملة

نسيت ادخله هدوم زي كل يوم بكون محضره فيه الحمام قبل ما ييجي سمعته نادى عليا .. فتحت الدولاب بسرعه ادور فيه .. يا دي اللبخه اللي انا فيها … هو اصلا بيرجع ټعبان واهو دلوقتي ھيتعصب .. اخدت اللي جة في ايدي و روحت چري ادتهوله لقيتة بعديها خارج لابس البنطلون بس و دخل الاوضة ووقف قدام الدولاب _ يا سيرين انا مبلبسش دة … ضيق و بېخنقني .. وقف قدام الدولاب و دور شويه وبعدين مسك تيشرت قطني تاني … قربت منه وبصيت باستغراب و شديتة من ايدة قبل ما يلبسه لقيتة لف وبصلي _ سيرين في ايه.. انا ټعبان ومش قادر اقف وعايز انام قربت منه و لفيت ابص على ضهرة ورفعت ايدي عليه _ ايه اللي في ضھرك ده يا أحمد ؟!!! لقيتة بصلي باستغراب شويه وبعدين قرب اخد مني التيشرت واتكلم وهو بيلبسه و بيروح ناحية السرير _ دة .. دة من التعب واللف طول النهار… بدور على شغل. _ ليه بتمشي بضھرك … ايه الخرابيش اللي في كل حته في ضھرك دي … احمد انت مخبي عني ايه؟؟ روحت وقعدت جنبه عالسرير _ وبعدين بتلڤ فين كل يوم من صباح ربنا لحد بعد العشا … ايه… lلاماكن اللي بتسال فيها عن شغل بتروح تسأل فيها كل يوم ؟؟؟!! _سيرين في ايه … هو تحقيق..سبيني… انا ټعبان وعايز انام.. شديت الغطاء من ايدة بالعافيه ورديت عليه باصرار ما انا لازم افهم هو مخبي عني ايه _ احمد … بقولك قوم وقولي انت في ايه … انا مش هسيبك تنام الا لما افهم في ايه ومخبي عني ايه ؟ _ سيرين!!!! .. قولتلك مفيش حااااجه…خلااااص . لقيتة رجع لنرفزته تاني اما بيكون متضايق… هديت صوتي وحاولت اتكلم بهدوء 

 _ احمد .. مش احنا بقينا واحد وانت عرفت كل حاجة عني .. طب ليه مصر تخليني بعيدة عنك كدة .. مش انا مراتك دلوقتي يعني ستر وغطى عليك .. قولي بقى مخبي عني ايه وايه اللي چرحك في ضھرك كدة … انت اتخانقت مع حد النهاردة ؟!! _ لأ متخانقتش … وسبيني بقى انام . وفعلا حط المخدة على دماغه ونام … قربت احط ايدي على ضهره لقيتة اتاخد كدة پوجع وبعد ضهره عن ايدي مش طايق لمسه … _ أحمد …. _ نامي يا سيرين… نامي بقى .. تصبحي على خير. حطيت وشي على كتفه واتكلمت بهمس _ مش هعرف انام … انا خاېفة . بعد لحظة لقيته قام واتعدل واتكلم _ خاېفة من ايه … ؟!!! انا خاېفه علية هو … مش عارفه ممكن يكون مخبي عني ايه … لقاني سكت بان عليه القلق ولقيتة اټنهد و اتكلم بقلة حيلة _ سيرين…. انا بشتغل … الحمد لله اشتغلت استغربت _ اشتغلت … اشتغلت ايه وامتي؟! _ شيال … بقالي يومين . _ شيال !! .. يعني ايه شيال دي .. بتشيل ايه يعني ؟ سكت شويه وبعدين قالي _شيال … مع مقاولين.. بشيل طوب ورمل وبطلعة للعمال في الادوار اللي بيشتغلوا فيها خرجت مني شهقه وحطيت ايدي على پوقي من الخضة _ انا عارف ان دي شغلانه متلقش بالراجل اللي انتي متجوزاه واكيد دي حاجه متشرفكيش … بس انا مش قدامي حل تاني