رواية ظلمني من احببت (كاملة جميع الفصول) بقلم زهرة عصام
جاسر صحي على صوت تلفونه وكانوا الخدم بيبلغوه باللي حصل فقال: لا حول ولا قوه الا بالله العلي العظيم حقك جه يا أسيل من غير ما احط ايدي فيه وبص قدام وقال: بس يا تري حقك مني انا هتخديه إزاي
عدي خمس سنين على اليوم دا
أسيل: ولد خد هنا
- لا انا عايز ثوكولاته
أسيل: بس يا عدي انت لسه واكل شوكولاته سنانك يا بابا
عدي: خلاث بكله تجبيلي وانتي جاية من الثغل
أسيل بضحك: حاضر هجبلك
جاسر كان واقف قدام الشباك وسرحان
جاسر: عدي خمس سنين يا أسيل ملمحتش طيفك فيهم عقابك قاسي أوي حتي إبني معرفش عنه حاجه
جاسر طول الخمس سنين دول بيدور على أسيل لكنه مش لقيها
أسيل اشتغلت وأخدت شقه قريبه من شقة حامد وقعدت فيها هي وابنها وبقت تصرف عليه
في يوم دخل عليه فؤاد وقال: اممم لسه على حالك يا صاحبي
جاسر: وهفضل كدا لحد ما ألقاها
فؤاد: حقها جه من كل واحد ظلمها وكان اخرهم ياسر اللي اتشل
جاسر: عقابها ليا طول أوي يا فؤاد
فؤاد بسخرية: ولسه امسك دا عنوانها
جاسر وقف مره واحده وقال بجد يا فؤاد
فؤاد: وانا ههزر معاك اجري شوف مراتك وإبنك
جاسر بفرحة: أسيل جابت ولد
جري ركب العربية وساق بسرعة علي الحاره اللي أسيل فيها
ركن العربيه بعيد وكمل مشي عشان الشوارع الضيقة..لقي أطفال بيلعبوا في الشارع فقال لواحد منهم: فين بيت أسيل
- الولد شاورله ينزله فجاسر قعد على ركبه باستغراب ولكنه حس بحاجة ناحيته
عدي بقي يبص في وشه كتير وبعدين ضحك وقال: انت بابا اللي في الصورة
جاسر اتفاجئ بيه بيحضنه ودمع لانه كان سبب من الأسباب اللي بعدته عنهم
عدي اخده لي أسيل اللي أول ما الباب خبطت فتحت ودخلت علطول وهي بتقول: ادخل يا بشا ادخل يا اللي لو هطول تبات في الشارع هتبات ماشي يا عدي انا زعلانة منك
عدي: لا مش تزعلي قولها يا بابا مش تزعل مني
أسيل الكلمه وقعت عليها زي الصاعقة وبصت وراها لقت جاسر بيبصلها بدموع وهو شايل عدي
أسيل عنيها دمعت لما افتكرت كل اللي مرت بيه وقفت قدام جاسر وأخدت عدي وقالت: روح عند جدو حامد شوية يلا
عدي: بس انا عاوزه اقعد مع بابا شويه يا ماما
أسيل بابتسامة: اسمع الكلام يا ديدو مش قلنا نسمع كلام الكبير
عدي نفخ بضيق وبص لـ جاسر وبأسه من خده وراح عند حامد
أسيل بجمود: خير
جاسر الكلام اتبخر من على لسانه فبقي يتهته: انا.. انا
أسيل: انت ايه جايه ليه يا جاسر بعد السنين دي كلها جاي ليه لبيت الست الخاي-نه جاي ليه اللي لو رجعت بيتك هتطردها منه واللي انت متستنضفش تتجوزها
جاسر بدموع: انا آسف سامحيني
أسيل: اسامحك.. هههه تصدق ضحكت اسامحك على إيه وإلا على إيه روح يا جاسر مكان ما جيت ووقت ما تحب تشوف عدي مش همنعك بس هيبقي تحت عيني
جاسر: ارجعيلي يا أسيل اعذريني انا اللي شفته مفيش اي راجل يستحمله
أسيل: وانا مين يعذرني مين دا انت خرجتني بشعري عر-يتني استحملت معاملت امك وقولت طلما بتحبيه استحمليها أهي زي امك حذرتك وقولت مش بسامح بحق كرامتي امشي يا جاسر امشي وسيب كل چړح في مكانه
جاسر: يعني مفيش فايده انك ترجعيلي
أسيل بجمود: للأسف الاوبشن دا معتش متاح حاليًا ارجع لمراتك اللي قولت هتجوزها مش دا كان كلامك ليا برضوا
جاسر: مقدرتش اتجوز غيرك صدقيني
أسيل: مليش فيه دا دا اختيارك انت اتفضل من هنا انا مليش غير سمعتي وعاوزه أحافظ عليها محدش هما يعرف علاقتي بيك
جاسر وأسيل بصوا لبعض نظرة تحمل الكثير الاتنين ادوا ظهرهم لبعض في نفس اللحظة
جاسر: مش هيأس همشي دلوقتي لكن هرجع تاني مش هسيبك غير لما تسامحيني
أسيل: جاي بعد ما بينت حياتي من غيرك امشي يا جاسر لاني مش هرجعلك اينعم لسه بحبك بس جرحك كان أكبر من إن حبي يشفعلك
جاسر مشي بره البيت وأسيل دخلت جوه والاتنين مدين ظهرهم لبعض
انسدل ستار النهاية مع أغنية
وبينا معاد
لو إحنا بعاد
أكيد راجع ولو بيني وبينه بلاد
وبينا معاد
لو إحنا بعاد
أكيد راجع ولو بيني وبينه بلاد
تمت بحمد الله
