رواية زوجة ابن الاصول بقلم ملك ابراهيم (كاملة)

كنت فيها
رد زياد بابتسامه ياريت تعتبريني زي اخوكي ولو احتاجتي حاجه في اي وقت انا موجود
ابتسمت عليا بسعاده وقالتله دا شئ يشرفني ان انسان محترم زيك يكون اخويا.. تصبح علي خير
زياد بسعاده وانتي من اهل الخير..رواية زوجة ابن الأصول بقلمي ملك إبراهيم
دخلت عليا الفيلا تاني وهي مبتسمه وكأنها انسانه تانيه غير الا نزلت من شويه وهي پتبكي والدنيا سودا في عنيها.. وقربت من غرفة زين وقبل ما تفتح الباب سمعته وهو بيتكلم في التليفون ومن الواضح انه بيكلم مراته...

زين لا يا حبيبتي انا هكون موجود طبعا ماتقلقيش.................اه يعني هتوصلي تلاقيني في انتظارك................وانتي كمان وحشتيني اوي................اه طبعا دا انا هخطفك وهنقضي اجمل اسبوعين مش هتبعدي عن عيني لحظه.................وانا كمان بحبك اوي تصبحي علي خير يا حبيبتي
انتظرت عليا قدام الباب لحد ما انهى المكالمه وبعدين دخلت بهدوء..بصلها زين من فوق لتحت واتكلم بسخريه راجعه يعني مزاجك حلو مش زي ماكنتي نزله..هو زياد طلع شاطر اوي كدا
ردت عليا وهي مش فاهمه هو يقصد ايه وسألته شاطر في ايه بالظبط مش فاهمه !
زين پغضب في الضحك..والا انتي ما اخدتيش بالك ان صوت ضحككم كان مسمع البيت كله
عليا بستفزاز وانت ايه الا مزعلك..بصراحه زياد دمه خفيف وبيضحكني ولا انا المفروض هنا في فترة عقوبه وممنوعه من الضحك كمان
رد زين بغيظ لا مش ممنوعه بس ماتنسيش ان دا اخويا
عليا بانفعال يعني ايه اخوك ! هو انت فاكر احنا كنا بنضحك علي ايه بالظبط
رد زين ببرود ميهمنيش اعرف
بصتله عليا بقوه وقالتله وانا ميهمنيش كلامك دا..تصبح علي خير
وراحت اتجاه البلكون 
وقفها زين بصوته وسألها انتي رايحه فين !
ردت بملل وقالتله رايحه انام عندك مانع
ضحك زين بسخريه والله بجد تصدقي اول مرة اعرف ان الا بيدخل البلكونه بيكون رايح ينام..
ردت عليه عليا بغيظ اومال يعني فاكر ان انا هنام معاك في اوضة واحده دا انت بتحلم
ضحك زين وقالها وانا مش عايز احلم اتفضلي نامي برحتك واقفلي البلكونه عليكي كويس عشان العو مايدخلش يكلك
ردت عليه بغيظ هاهاها دمك مش خفيف علي فكره
زين وهو بيضحك عارف علي فكره
دخلت عليا البلكون وهي بتبص علي الحديقه الا قدامها وشكلها يخوف بالليل والظلام محاوطها في كل مكان وهي للأسف پتخاف جدا من الضلمه وانتظرت في البلكونه وقت طويل وهي بتشجع نفسها انها تنام ومتخافش من حاجه بس خۏفها كان اقوى منها وخيالها بدأ يصورلها حاجات كتير مرعبه ودخلت بسرعه الغرفة تاني ولقت زين نايم براحه علي السرير بصتله پغضب وقربت منه وهي بتبص عليه بتركيز ولقته فعلا نايم بعمق..اتنهدت بتعب ونامت بهدوء جنبه علي السرير وكانت تقريبا علي طرف السرير واحتمال كبير تقع في اي وقت بس هي مكنش قدامها حل تاني غير انها تنام قريبه منه لانها حقيقي خاېفه من البيت دا ودي اول مرة تنام في مكان غريب عنها ونامت وهي بتفكر انها لازم تصحى بدري قبله عشان مايحسش بيها ومكانتش تعرف انه اصلا صاحي وحاسس بيها من اول مدخلت الغرفة تاني وعمل نفسه نايم قدامها عشان ماتتحرجش وتنام وهو دا فعلا الا حصل واول ما حطت دماغها علي السرير راحت في نوم عميييق وهو حس بيها انها نامت وفتح عينه وفضل يضحك علي جنانها وغمض عينه ونام هو كمان...
في الصباح..
صحت عليا وفتحت عنيها بتعب وبصت حواليها وبدات تفتكر هي فين وبصت جنبها بسرعه ملقتش زين ولقت نفسها نايمه في نص السرير براحه..قعدت بسرعه علي السرير وهي مصدومه انه صحى قبلها يعني شافها وعرف انها جت نامت جنبه.. طب شكلها ايه قدامه دلوقتي ياترى بيقول عليها ايه..حطت اديها علي وشها وهي محروجه جدا منه ومش عارفه هتقوله ايه
زين خرج من الحمام ولقاها قاعده علي السرير وبتداري وشها بإيديها واتكلم بدهشه مالك حطه ايدك علي وشك ليه !!
بعدت عليا اديها عن وشها عشان ترد عليه ولكنها صړخت وحطت اديها تاني علي وشها وهي بتغمض عنيها
عليا بصدممه نهار اسود انت واقف قدامي كدا ازاي !!!
بص زين لنفسه وكان شايف انه مفيهوش اي حاجه غريبه وقالها انتي مجنونه انا واقف قدامك ازاي يعني ايه !!!
عليا وهي حطه اديها علي عنيها واقف من غير قميص
رد زين بسخريه والله ! ودي فيها ايه يعنى 
عليا بكسوف لوسمحت البس حاجه انت مش نايم مع واحد صاحبك
بصلها وهو بيضحك وقالها بستفزاز الصراحه مفيش فرق انتي زيك زي اي واحد صاحبي
بعدت عليا ايديها عن وشها وبصتله پغضب وردت عليه پعنف انا مش هرد عليك دلوقتي لما تلبس نبقى نتكلم
ضحك زين وقالها ماتتكلمي وانا بلبس ولا هتقولي كلام عيب مثلا
وقفت عليا وقالتله پغضب علي فكرة انت قليل الادب
بصلها زين بصدممه ولسه هيقرب منها لقاها جريت بسرعه علي الحمام وقفلت علي نفسها
قرب من باب الحمام وسند عليه وهو بيضحك علي المجنونه الا عايش معاها وقالها بصوت عالي عشان تسمعه بقى انا قليل الادب !..ماشي يا عليا لما تطلعي
وقفت قصاده خلف باب الحمام من جوه وقالتله مش هطلع ومش هتقدر تعملي حاجه
ضحك زين وقالها برحتك ماتطلعيش..بس انا نازل علي فكره لان عندي شغل وعايز لما ارجع الاقيكي لسه جوه زي ما انتي
وبعد عن باب الحمام وهو عمال يضحك عليها وعلي چنونها وكمل لبسه وهو بيفتكر الليله الا نامتها جنبه وازاي نومها زي الاطفال وطول الليل هي تبعد الغطا عنها وهو يغطيها وكل شويه يلاقي ايديها علي وشه رجليها علي بطنه وكل مايغمض عينه يصحي علي تحركاتها وهي نايمه والغريب انه مكنش مضايق ابدا دا كان بيضحك علي كل حركه بتعملها وهي نايمه وحس انه مش نايم جنب بنت ابدا.. دا نايم جنب احد ابطال المصارعه الحره وكانهم مش نايمين على سرير دول نايمين وسط الحلبه وهي بتدرب فيه

دا نايم جنب احد ابطال المصارعه الحره وكانهم مش نايمين على سرير دول نايمين وسط الحلبه وهي بتدرب فيهوعماله تضرببإيديها ورجليهاوهو يعيني كلشويه يصحى عليضربه شكللحد ما طلعالنهار وقاممن جنبها وسبلهاالسرير خالصوبدأ يجهز عشانينزل شغله وجسمه كله متكسر من المبارة الا كانت بتلعبها عليا طول الليل وهي نايمه
نزل زين وكان جده واخوه ووالده قاعدين بيفطروا..قرب منهم وهو بيضحك بهدوء كل ما يفتكر عليا..بصله جده بسعاده لما لقى وشه بيضحك واتكلم الجد بمرح وقال صباح الفرفشه..دا شكل ليلة امبارح كانت من الف ليلة وليله
بصله زين وهو فاهم كلام جده وفاهم ان جده يقصد انه شكله قضى ليلة رومانسية امبارح وافتكر شكل عليا وهي عماله ټضرب فيه طول الليل وهي نايمه وضحك اكتر وهو مش قادر يتكلم ..ابتسم الجد وبدأ يضحك علي ضحك زين وزياد كمان بقى يضحك وهو بيبصلهم ومش فاهم هما بيضحكوا علي ايه ووالدهم ابتسم بهدوء علي ضحكهم وهو برضه مش فاهم زين بيضحك اوي كدا علي ايه بس كان فرحان جدا انه شايف زين سعيد وبيضحك من قلبه كدا...
قربت منهم جانيت وهي بتبصلهم بدهشه وسألت جوزها
جانيت هو في ايه ...
رد والد زين وقالها مفيش دا زين مبسوط شويه ومضحكنه كلنا...
بصت جانيت ل زين